ზოგადი ინფორმაცია / საპატიო ბათუმელები
საპატიო ბათუმელები
2010 წელი:
ნინო საკანდელიძე – ილია ჭავჭავაძის სახელობის სახელმწიფო დრამატული თეატრის მსახიობი. დ. 8.08.1930, ზედა-ვანი.
ქ. ბათუმის სახალხო დეპუტატთა საბჭოს სამგზის მოწვევის დეპუტატი, აჭარის ქალთა კომიტეტის წევრი, დედათა და ბავშვთა დაცვის წევრი. იყო არჩეული სახალხო მსაჯულად, კულტურის მუშაკთა პროფკავშირის წევრად. მინიჭებული აქვს პროფესორის წოდება.
მანუჩარ შერვაშიძე - ილია ჭავჭავაძის სახელობის სახელმწიფო დრამატული თეატრის მსახიობი. დ. 2.02.1930, სოფელი მუხურა.
შესრულებული აქვს 120-მდე წამყვანი და მთავარი როლები: ,,ჰამლეტი”, ,,მე, ბებია, ილიკო და ილარიონი”, ,,ყვარყვარე თუთაბერი”, და ა.შ. გადაღებულია 30-მდე ფილმში. მინიჭებული აქვს აჭარის დამსახურებული არტისტის საპატიო წოდება, ასევე საქართველოს დამსახურებული არტისტის წოდება
.
იური ცანავა - ილია ჭავჭავაძის სახელობის სახელმწიფო დრამატული თეატრის მსახიობი. დ. 26.12.1929, ბათუმი.
სხვადასხვა დროს ხელმძღვანელობდა ინსტიტუტის დრამატულ კოლექტივს, იყო #22 საშუალო სკოლის ბავშვთა თვითშემოქმედი სამხატვრო ხელმძღვანელი, #1 საშუალო სკოლის სამხატვრო ხელმძღვანელი. არის ,,ღირსების ორდენის კავალერი”, აჭარის მწერალთა კავშირის აქტივისტი.
2009 წელი:
თამაზ ბეჟანიძე – აჭარის ქორეოგრაფიის მოღვაწეთა კავშირის თავმჯდომარე. დ. 10.07.1941, ბათუმი.
სხვადასხვა დროს მუშაობდა აჭარის სიმღერისა და ცეკვის სახელმწიფო ანსამბლში მოცეკვავე-მსახიობად, საქართველოს ფილარმონიის აჭარის განყოფილებაში საესტრადო ანსამბლ ,,ბათუმის” მოცეკვავე-მსახიობად, ხელმძღვანელობდა აჭარპროფკავშირის სახალხო ქორეოგრაფიულ ანსამბლს.
ანტონ ფილიპოვი - ბათუმის თოჯინების თეატრის პირველი მხატვარი. დ. 29.08.1921, ბათუმი.
ანტონ ფილიპოვმა ბათუმის თოჯინების თეატრში დაახლოებით 200-მდე სპექტაკლი გააფორმა. მისი ნამუშევრები დაცულია მოსკოვის ბახრუშინის სახელობის თეატრალურ მუზეუმში. იგი უამრავი გამოფენის მონაწილეა. ანტონ ფილიპოვი არის საქართველოს დამსახურებული მხატვარი, აჭარის ხელოვნების დამსახურებული მოღვაწე.
რეზო ბოლქვაძე - მოსწავლე-ახალგაზრდობის პარკის ხელმძღვანელი (1953-2005). დ. 26.06.1927, ბათუმი
რეზო ბოლქვაძეს უდიდესი წვლილი მიუძღვის აჭარაში როგორც კულტურისა და განათლების, ასევე, სპორტის სხვადასხვა დარგების განვითარებაში.
მისი ხელმძღვანელობის დროს პარკში ჩამოყალიბდა საჭადრაკო კლუბი, ბავშვთა ქორეოგრაფიული ანსამლი "გაზაფხული", რომელიც ძალიან პოპულარული იყო, არა მხოლოდ საქართველოში არამედ ყოფილი საბჭოთა კავშირის ყველა რესპუბლიკაში. ბატონი რეზოს ძალისხმევით იყო ეს პარკი ახალგაზრდების თავშეყრის ერთ-ერთი უსაყვარლესი ადგილი. რეზო ბოლქვაძის ინიციატივით მოქმედებდა პარკში ათობით წრე, სადაც მოზარდები სწავლობდნენ სათხილამურო სპორტს, ფოტოხელოვნებას, უცხო ენებს, მხატვრულ კითხვას და ა. შ. იგი მრავალი ჯილდოსა და წოდების მფლობელია.
2002 წელი:
ოლღა ჩაჩუა სელეზნიოვა – ფერმწერი, გრაფიკისა და დეკორატიულ-გამოყენებითი ხელოვნების სპეციალისტი. დ. 12.01.1902, ბათუმი.
სხვადასხვა დროს მუშაობდა ზელენჩუკის, რიგისა და პუტინოვის ფაიფურის მწარმოებელ ქარხანაში. ოლღა ჩაჩუა არაერთხელ დააჯილდოვეს საპატიო სიგელით, მათ შორის, აჭარის არ უმაღლესი საბჭოს პრეზიდიუმის საპატიო სიგელით.
2000 წელი:
მუზაფერ მამუჭაძე – არქიტექტორი. დ. 25.03.1935, ბათუმი.
მისი ძირითადი ნამუშევრებია: ახალგაზრდული ცენტრი ბათუმის მთაზე, აჭარის მელიტონ კუხიანის სახელობის სიმღერისა და ცეკვის სახელმწიფო ანსაბლის შენობა, სარფისა და საბაჟოს მთელი კორპუსი. ბათუმის პედაგოგიურ ინსტიტუტში კითხულობდა ლექციების კურსს ,,სპორტული ნაგებობები”.
გიორგი ერქომაიშვილი – არქიტექტორი. დ. 7.01.1920, ბათუმი.
ძირითადი ნამუშევრებია: პროფკავშირების სასახლე ბათუმში, სოფლის კლუბები ნატანევში, სუფსაში, ლანჩხუთში. იყო საქართველოსა და აჭარის დამსახურებული ინჟინერი, საქალაქო საბჭოს დეპუტატი, ბათუმის მთავარი არქიტექტორი. დაჯილდოებულია ღირსების ორდენით.
